Gahunda yo kuboneza urubyaro igamije gufasha mu buryo bwisumbuyeho uburyo imiryango itishoboye ibona serivisi zo kuboneza urubyaro mu buryo buzoroheye.

Gahunda y’Ubuzima bw’imyororokere n’uburenganzira ku bangavu n’ingimbi [Adolescent Sexual and Reproductive Health and Rights (ASRH&R)] yashyizweho mu gufasha abari hagati y’imyaka 10 na 24 y’amavuko.

Iyi gahunda igamije kwita ku rubyiruko rurimo urwiga, urutari ku ishuri, amatsinda yo ku ishuri, ababarizwa mu miryango y’urubyiruko n’ibigo nderabuzima kugira ngo batange serivisi zibereye urubyiruko.

Gahunda y’Ubuzima bw’imyororokere n’uburenganzira ku bangavu n’ingimbi inatangirwamo amahugurwa mu rubyiruko hagamijwe kongera ubukangurambaga bujyanye no kwirinda agakoko gatera SIDA mu rubyiruko no kwigisha abangavu uko bakwirinda gutwara inda zitateganyijwe.

Gahunda y’indwara zitandura n’ubuzima bwo mu mutwe ifite intego zo guhugura no guhindura imyumvire n’imigirire y’Abanyarwanda, hagamijwe kugabanya ubukana bw’izi ndwara.